★ elyze皇牌 CoolSculpting冷凍溶脂療程體驗★

facebook“當年今日”呢個function，令我每次睇番啲相，都無眼睇。。。實在忍唔住再肥落去，決定去elyze定位修形做機減肥。。。

三年前為咗結婚，兩個月內狂做運動減咗20磅。

攝於樂樂80日

到樂樂一歲，我都仲keep到。之後餵奶次數大幅減少，但食量一樣，我係半年內極速變肥。到而家樂樂2歲，上下身已經係慘不忍睹影相只能高抄。

終於，係無時間做運動嘅情況底下，我決定去做機減脂！！！(全職媽媽嘅忙同困身，係堅辛苦過番工) 就係 elyze定位修形 嘅皇牌 CoolSculpting冷凍溶脂療程。

做人媽媽開始事事都要好小心，所以去之前上網睇左佢地既資料:
療程以專利技術利用特定低溫，1次療程可消除特定部位的脂肪細胞數量達22% 。技術獲美國FDA及歐盟28個國家CE認可，安全可靠，全球有超過500萬用家見證。

揀佢嘅原因除咗因為elyze係 Neo Derm Group期下既品牌，大牌子有信心保證外，亦係因為有CoolSculpting冷凍溶脂療程。佢能夠針對特別難減部位包括: 大腿，腰腹及手臂，甚至副乳、上背及膝蓋上方等細位置。只需做1 次，就可消除療程位置嘅脂肪細胞數量達22%。而且無須開刀或麻醉，無康復期，做完行得走得唔駛戒口。我果日做完番到屋企照做家務煮飯湊仔單手抱仔，老公完全唔為意，到時候佢只會見到我瘦左靚左既樣 XDDDD

講番個療程，我喺尖沙咀北京道一號嘅elyze做，佔地全層仲有海景，非常寫意。

先登記個人資料同填問卷，令治療師更了解我嘅身體狀況同減肥目的，確保我適合療程。

同我做療程嘅治療師係Irene，感覺好專業，講解咗今日嘅流程就帶我入房，房間寬敞，仲有全身鏡好好睇清自己嘅身形，我要同我呢身肥肉講拜拜!!!!

先換上sport bra同短褲後再去做Inbody身體分析及脂肪測試，Irene詳細講解我身體嘅水份、脂肪、肌肉、骨骼嘅分佈同比例，確保設計出一個最適合嘅定位修形方案。

而最令人驚訝嘅事發生咗啦，Irene話我嘅測試結果非常好，有91分!!!!!

我嘅腰臀比例係0.74，係最正常嘅“沙漏身形” (0.85已經係中央肥胖)。

簡直難以置信......

Irene解釋，因我嘅基礎代謝率高，同埋肌肉量比脂肪多，我覺得自己好肥係因為我肚腹位置好水腫，加上生完樂樂後個肚鬆咗。所以我睇落去好多肉，但實則唔係。

 然後，我地就番去treatment room做鏡前評估，搵出我最需要做CoolSculpting嘅位置。我同Irene表示，我最想做係肚位因我計劃生第2胎，想喺大肚前瘦身，唔係就堅瘦唔番。

但Irene就話，我個肚其實係因為生完鬆咗，我仲有2條隱約嘅馬甲線，腩肉亦唔多，相比起肚腩，我下身尤其係大髀脂肪率更高，另外就係腰側嘅贅肉最礙眼。

最後，Irene建議我做腰側位置。因為呢2舊肉無得遮，考慮到我想再次懷孕同著衫好睇d，呢個部位比減大脾更急切。完成詳盡嘅分析後，我亦同意Irene嘅講法，先減腰側，而我只需要做4格嘅CoolSculpting就可減走我呢2舊肥肉，仲可以好舒服咁坐係度做。

Irene先用CoolSculpting專用尺畫出療程位置，每邊上下2格。而機頭係好大嘅，唔駛擔心做好多次先覆蓋到想減嘅位。

之後再用冷凍溶脂專用清潔布，清潔皮膚一分鐘，再鋪上gel pad就放機了。將部機綁好後，放好毛巾s、cushions，令我舒舒服服咁等時間過。每做一格，要35分鐘。

冷凍溶脂療程原理係利用真空吸吮技術，凝結療程部位脂肪，令脂肪自然凋亡，再經新陳代謝自然排出體外，1次療程就減到22%脂肪，效果大約2-3個月內呈現，即係呢個位既脂肪層會減薄1/5咁多。

做嘅時候會有少少痺痺地，有人會好唔舒服，而我係無咩感覺。(仔都生埋，痛呢個字我已經唔識佢好耐) 淨係覺得部吸得好實。

而Irene表示好多客都覺得療程唔算舒服，所以第一次會先做一格。但因我心急想一次過做哂同一邊嘅2格。。。。 (笑)

呢35分鐘我好悠閒咁過(難得嘅平靜呀!!) 每隔10分鐘Irene會嚟睇下我需唔需要飲水、有無唔舒服等。

完成後，會再加2分鐘人手按摩，Irene細心提示我呢part會係最痛。但。。。。我依然覺得唔痛XDDDDD

我見無咩唔舒服就再提出想做埋第2格。

但Irene表示我始終第一次做，唔好太心急，過2日再上嚟做都無問題的，唔會有大細邊嘅問題。佢太貼心知道我嘅顧慮，所以我亦放心換衫走人。

 完成療程後，因身體會可能會有炎症嘅反應，即係代表脂肪細胞開始排走緊，所以3日內唔可以飲酒，唔可以食消炎藥，最緊要第2日唔好太操勞，唔好學我去迪士尼吹風最後整病咗自己咁低b。

非常期待2個月後嘅自己，可以著番長褲唔駛再煩呢2舊肥肉。