【療程試做體驗】首度減肥修身？！X elyze CoolSculpting 冷凍溶脂療程

前排終於去咗 elyze定位修形做CoolSculpting冷凍溶脂療程，減走大肚腩！

講個秘密你地知，其實Maggie已經好耐好耐無磅過重同認真對鏡望自己身形⋯⋯

兩年？定三年前？耐到都唔記得左啦！

但隨著年紀既增長，代謝開始愈黎愈慢～亦開始D肉向橫發展～

一向唔做運動既我，由唔知幾時開始由著XS碼到依家M碼⋯⋯

已經唔再敢著貼身衫同褲～你地睇到呢D應該好驚訝？真係唔係好覺呢？

如果你有Follow開我IG同Facebook會發現我著既衫都係鬆身～

因為D肉全部收埋晒係肚位!繼續睇埋落去先)

今次帶大家去NEO DERM旗下既elyze銅鑼灣分店，

你地都知我一向都係介紹面部既療程居多

聽就聽得多減肥機、療程呀等等～

但事實上我的確未試過做任何減肥療程。

但知道elyze定位修形嘅CoolSculpting冷凍溶脂療程獲美國FDA認證，

技術深受醫生信賴，所以就決定試一試～

我去既係銅鑼灣時代廣場41樓分店，

大堂姐姐一見我坐低，即刻主動拎個Drink List問我想飲D咩？

平時去得多美容中心，但出奇在elyze居然有Drink List

有菠蘿青檸蜜、韓國紅棗茶、菊花蜜、蜂蜜薑茶、鐵觀音、水。

因為當天療程天氣比較凍，叫咗蜂蜜薑茶。味道唔錯～

之後做完簡單問卷就直接入房換衫，因為事前同我既治療師Anmary素未謀面，

所以佢好貼心地準備好大中細碼比我。佢仲出房前幫我拉好窗簾同關咗陣冷氣驚我凍親。千叮萬囑我記得鎖好門先換衫，細心既服務的確值得一讚呢！

換好衫就去做INBODY脂肪分析啦～一上磅⋯⋯真係充滿住恐懼。

果然磅數的確令人失望L

治療師Anmary細心向我解釋返份分析內容，Inbody機主要CHECK到肌肉量、身體總水量、礦物質、BMI值同體脂比例等等。

果然我需要留意下自已既飲食問題，因為肚既脂肪比例稍為高了少少。

但開心既係治療師表示我既新陳代謝率都較快。

終於～～～赤裸裸地首次公開我一直隱藏咗好耐既肉啦！

(做療程前，我去咗拔罐，所以有D印係到。大家唔好介意)

係圖中既左手邊明顯比右邊肥D，其實都好關平時坐姿、行路重心問題。

同治療師溝通 前面個肚腩脂肪亦積聚唔少，但我自已主力都係想個腰部線條靚D。

一致決定做腰側位置。然後Anmary幫我Plan好岩我既定位修形療程。

我分開咗兩日進行療程，第一次做先做咗RF深層擊脂療程，將底層脂肪打散，縮細脂肪體積。感覺除了耳嗚外，都無乜太大既感覺。過程大約20分鐘左右。

做完之後，稍為紅咗一陣。當然好快散啦！不過摸落去確實淋咗好多。同埋相比起未做之前，望落去明顯有分別。個腰形好似出返孤度出黎，可以即時見到效果！

而第二次去就開始做我最期待既冷凍溶脂療程啦！有咩功效？其實CoolSculpting冷凍溶脂療程採用專利技術Cryolipolysis， 1 次定位消除脂肪細胞數量達22%，技術獲美國FDA及歐盟28個國家CE認可，安全可靠，連美國權威醫生同香港醫生都信賴！等我親自報告下比大家知啦～～～

首先治療師會先用消毒濕紙巾清潔，然後再貼上獨立包裝既Gel Pad保護皮膚。無錯！是獨立包裝，不會重覆使用。既保持乾淨又衛生。目的是保護皮膚避免凍傷。

療程原理是利用真空吸吮技術，凝結療程部份脂肪，

令脂肪自然凋亡，再經新陳代謝自然排出體外，

一次療程即可有效消除脂肪細胞達22%，效果會係2-3個月內呈現！

重點係療程係非入侵性，唔洗開刀同麻醉。

過程大約做35分鐘左右，初初會有D凍凍地既感覺⋯⋯

過咗一陣會有輕微既麻痺感覺。

有人會問我見你紅哂，咁痛唔痛架？

坦白講只係有D痺痺地既感覺，治療師Anmary細心講解療程部位會出現紅、少少痛。當然係因應每個人既身體狀況，而我呢⋯⋯因為我好容易瘀。所以做完之後會有D瘀都係正常既情況黎。大概2-3日就退哂啦～Anmary期後會幫我按摩，每邊約一分鐘左右，目的令到效果更加好同明顯。

總括而言，做完冷凍溶脂個效果相當令我滿意。返到屋企都Keep返係做完既位置按摩。依家摸返我側邊個兩舊肉無咁鬆。連男朋友都話相比之下D肉肉，感覺結實咗，大約兩至三個月會見到明顯效果。為咗比大家見証住我個兩舊肉慢慢縮細，我會之後同大家分享最後成果^^大家密切期待！