【減肥瘦身 之 我要鉛筆腿!!!】elyze CoolSculpting 冷凍溶脂療程體驗

有邊個女仔唔想靚啲，瘦啲，美麗無止境！？我當然都唔例外啦！我一直都有下半身脂肪積聚既問題，所以睇落去整體身形會肥啲，定位減左之後身形一定會靚返晒！而大腿內側實在太難減啦，又無時間做運動，所以選擇左體驗elyze定位修形做Coolsculpting冷凍溶脂療程，減走大腿內側肉肉！

相信大家對elyze定位修形呢個名一D都唔陌生，佢係纖體界算係數一數二既品牌，好多人都去呢度做定位修形，勝在佢地治療師夠專業，中心環境，地點同技術都係一流既。

前日我就去左elyze尖沙咀分店，位於北京道1號15樓，大大既落地玻璃，環境舒適～

作簡單登記後，治療師會先帶你進行個人健康指數及脂肪分析(InBody)，細心分析你的身體水份、脂肪、肌肉、骨骼的分佈及比例，再訂立一個最適合的定位修形方案。

根據結果，其實我算符合比例，
但左右腳脂肪比例較肚手臂多，所以理所當然我既大腿係偏粗既

測量結果之後，治療師會帶你入療程房進行consultation同脂肪測試～

換好浴袍之後， 治療師就會入嚟同你講解療程過程～ 經過雙方嘅溝通之後，治療師同我都決定咗為大腿內側進行療程！

首先，會用脂肪儀幫療程位置測試脂肪比例！(做之前係25.5% Fat)

然後，用消毒棉抹走皮膚上既皮脂同污濁物！

再貼上一塊保護皮膚既Gel膜，以免皮膚凍親，之後就可以進行療程啦～

講解返個技術同成效先，elyze皇牌「Coolsculpting冷凍溶脂」療程，以專利技術Cryolipolysis™，1次療程可消除特定部位的脂肪細胞數量達22%，約1/4脂肪層。原理是利用真空吸吮技術，凝結大腿內側脂肪，令脂肪自然凋亡，再經新陳代謝自然排出體外，效果會在大約2-3個月內呈現！

而成個冷凍過過程只需時35分鐘，十分適合都市人的忙碌生活節奏。而且無須開刀或麻醉，無康復期，之後可如常活動

因爲利用特定低溫，機頭又好似吸盤咁吸實療程位置，所以過程會感到少許痛楚，而且會冰冷到麻痺！完成療程之後，療程位置會呈現些少紅，腫，痛感覺，紅腫大約3～4小時就消散，但少少痺痛感覺就維持數天～

吸完後治癒師會幫你進行按摩，好等效果更加明顯～不過我覺得仲痛過進行療程個時，可能因為麻痺感已經退去～

因CoolSculpting冷凍溶脂療程需要2 – 3個月見效，所以等我遲下再同大家講下我既結果啦～