冷凍熔脂瘦得有理

我過咗一個勁忙嘅暑假，忙到連運動都冇做，暑假除咗要陪玩外，仲要陪食，九月尾仲要去咗轉日本狂食小丸子，前日撞到個朋友話我瘦咗，尤其係我條腰，我仲話冇可能，返到屋企拎個磅出嚟磅下，心諗住食左咁多野，又零運動，但體重竟然無上升到？呢下真係好驚喜，因為我體內既脂肪細胞少左22%。

原因係……. 大家應該仲記得我兩個幾月前做咗個CoolSculpting冷凍溶脂療程，整個療程大約需要三個月時間，利用新陳代謝才能把療程中所凍死咗嘅肥豬肉會不經不覺自然排出體外……而家就係「修」成正果既時間啦！因為FDA證實做一次冷凍溶脂療程，有效減少療程部位22%脂肪細胞，即約1/4脂肪層。而佢唔係一個減磅「瘦身」既療程，係一個「定位修形」treatment，幫你修番靚個線條，專針對7大難減部位幫你修番靚佢，如手臂、臀部下方、腰腹、大腿內側、外側、副乳等。

之前日日做運動啲肉係結實啲，但係生完仔腰部嘅脂肪都仲好長情禁黐住我！我今次終極消脂計劃，第一次體驗到修形療程威力！我上半身十個有九個朋友都話我瘦，但腰、pat及大脾位就要靠衫左遮右遮，運用掩眼法令整體視覺變瘦。

今次冷凍溶脂療程，主要針對我腰側兩邊的call機肉，重點消除呢個重災區既脂肪，只係短短三星期，我已經感受到療程部位既脂肪，在你不知不覺下巳悄悄離開左你，啲牛仔褲鬆曬，之前網購咗幾條one piece貼身裙，放咗兩年終於都啱著，條腰線愈黎愈明顯，而且做完成兩個幾月，我條腰終出番黎啦！（記住我之前係生左四件，肚皮鬆之餘，仲已經無左條腰線好耐，因為懷孕係會增加你身體既脂肪細胞，所以……）呢個療程嘅成效真係好好，見到係work之餘，仲要唔怕會反彈。