【專為敏感肌而設】令我持續回購的卸妝水！

係日常既護膚保養，個人認為最緊要就係清潔、卸妝既部份！如果做得唔好，殘留既彩妝會堵塞毛孔，就會形成粉刺暗瘡問題；其化學物質亦會加速皮膚老化，卸妝用品一定要嚴選！不過筆者既皮膚係最難搞既敏感肌，試過好多隻卸妝產品雖然卸完係好乾淨，但因為清潔力太強（大概落左好多化學成份...）既關係，令皮膚敏感，護膚慘變傷膚！

後來經朋友介紹試左呢隻為敏感肌而設既 Bioderma Sensibio 卸妝紅水，蘊含天然青瓜植物精華，能夠柔軟肌膚，舒緩保濕，更起到鎮靜既作用！而且質地同水一樣，相當清爽，又不含色素、香料、酒精及苯甲酸酯（Paraben-Free），敏感肌可以好安心咁使用！

獨有既 Micelle 水溶及油溶分子輕輕一抹就將眼妝同底妝都卸得一乾二淨，用一張卸妝棉已經好OK，眼線都順利卸走！由於呢支潔膚水含有青瓜植物精華護膚水份，所以都唔洗話要特登再過水，潔膚同時護膚，最鐘意呢D一舉兩得既心機設計。

試左呢支紅水之後已經無再轉用其他卸妝產品，連皮膚好敏感既我都對佢好滿意！同埋都建議其他有敏感肌既女生，skincare 真係要好小心揀，同為敏感肌既你，明架啦！