Endocare SCA40 淡紋功效百試百靈

Endocare 強效活肌修復精華SCA40呢隻修復精華標榜保濕修復，特別適合做醫學美容療程前後時使用。

療程前用嘅話，勝在打好個底，一旦療程前唔記得或者懶得用，療程中，面部皮膚對醫美儀器嘅反應會比較大， 甚至會感到吉吉或刺刺痛，令儀器加熱溫度上唔到指定度數，變相嘥咗幾個療程、時間同錢錢。治療師錫你嘅話，通常都比較擊心，之後又例牌咿咿哦哦…

做完醫美療程，尤其是激光療程，面部皮膚難免變得崩緊同乾涸，治療師總會提醒你在療程後加強使用，深層補充水分。

而呢盒SCA40，我就好喜歡其水狀觸感，清新水潤，又極快吸收，好保濕，用完之後肌膚立即回復水潤狀態，唔笠好舒適。

未塗之前肌膚皺紋明顯，還感覺好乾。

療程後，用咗呢隻精華，除咗可以提升療程效果，仲可以令皺紋深度進一步減淡，百試百靈，有圖為証。

就算我皮膚嚴重敏感，用後非旦一啲都唔排斥唔扭計，相反出奇地無比吸收，而且效果較一般用完即棄嘅片裝面膜更補水更持久。 點解? 片裝面膜敷上面後，棉布水分多數被空氣蒸發咗，唔係全部被皮膚吸收，其實係好嘥料架！