【食A酸】暗瘡肌恩物！高度數、清爽防曬Gel！

無錯，與暗瘡肌反覆頑抗了十幾年，食了兩個半抗生素療程的我終於在醫生建議下口服A酸

唔好一聽「A酸」就好驚，其實而家好多醫生開藥都較為輕手，所以無以前咁勁副作用，我食嘅劑量好輕

我暫時唯一副作用其實就係肌膚較乾，我一向用開SPF30礦物防曬粉（相信唔少暗瘡肌妹子都用礦物嘢），雖然夠清爽溫和，但係食咗A酸需求又唔同咗

食完A酸第一樣要轉嘅護膚品，就係防曬度數較高、更全面而且質地啱啱好嘅防曬產品，無論外塗或口服A酸都要好著重防曬！

就係佢啦！

Heliocare360° 清爽控油防曬乳 SPF50 

大家都知佢嘅姊妹Brand Endocare嘅SCA蝸牛精華係暗瘡肌嘅好buddy，但就比較少人知呢支防曬Gel

作為Endocare嘅腦殘粉，我想轉防曬嘅時間就第一時間諗起呢個西班牙醫學品牌，我淨係用醫美產品，其他我係唔會用、亦唔敢用（我諗好多暗瘡肌都有咁嘅堅持）

雖說係防曬Gel，但質地其實似水乳+Gel的混合版，上手感覺似有色乳液，睇圖就知！

一抹即推開，質地輕薄易推，仲好易搽得均勻，感覺真係一啲都唔似咁高防曬度，因為其他防曬產品一高SPF就「痴笠笠」。

輕輕印開就好似融咗入肌膚咁絲滑自然，一啲都無「厚粉」、「假面」感

肉眼可見皮膚感覺濕潤咗同白咗，簡直唔似防曬似素顏霜！

保濕度：⋆⋆⋆⋆(5⋆最高）

用筆畫粒星星再上防曬輕輕印開，都遮左六成，以佢嘅輕薄質地算係咁啦！

痘印問題更嚴重的妹子建議先上遮瑕再上呢隻防曬。

遮瑕度：⋆⋆⋆

（有圖慎入）

呢張係真‧素顏照

好輕手咁上左遮瑕同埋防曬霜，膚色白上兩度（利申，睇隻手就知我係冷黃皮），雖然痘印若隱若現，不過膚色好均勻！

高防曬、保濕、質地清爽、礦物成份不致敏、輕微潤色效果......真係屬於痘肌嘅防曬！食A酸呢半年就靠你啦！

以下係官網列出嘅詳細成份同功效，大家可以望望

成分：Fernblock®FC, 草本植物萃取,綠茶精華, 維生素C, 維生素E, 二氧化鈦, Neo-Heliopan AP, Neo-HeliopanHydro (不含防腐劑及酒精)

特點：全光譜防曬，有效阻隔UVA/UVB/藍光/紅外線，預防曬黑及皮膚衰老膚質清爽控油配方。質地輕盈，容易被肌膚吸收，高效抗氧化 ，防曬同時修復細胞DNA。清爽控油配方，油性肌適用。