前後對比圖（噁心慎入）！暗瘡肌親試Gel Plus面膜！

大名鼎鼎嘅Gel Plus應該無人不識無人不曉！十個有九個曾受暗瘡粉刺黑頭困擾的人都用過！

偏偏我呢個萬年暗瘡肌從來未試過，講出黎真係好奇怪......Anyway，今次終於有機會膜拜傳說中的Gel Plus了。

立即去片！

聽說Gel Plus最近轉了新包裝－－牙膏啣啣裝，不過我手上的仍是樽裝。

先看看滴在手背上的質地，似水咁清，不過有點黏黏的，透明半Gel狀，非常易推。

第一次試有點緊張，因為臉上有未熟暗瘡所以怕會刺痛（記得要等臉上細傷口都瘉合了才可以用，不然「嗱」到你懷疑人生！）

氣味酸酸地，上面似搽了一層膠水，一開始真係有啲「嗱」，但唔係特別難受，似乎我嘅城牆肌都幾耐受。

大家唔好好似我咁搽上手背，正確安全嘅做法係搵個器皿倒大概5元硬幣份量落去，再薄薄刷一層上面（每次用5元硬幣份量完全夠，CP值真係超高！）

10-15分鐘之後洗走，臉部感覺清爽但不緊繃，也沒有任何不舒服的感覺。

當然佢唔係神仙藥，唔可能一洗就洗走所有痘印，跟住就可以慢慢觀察佢嘅煥膚功效了。總之使用感完全唔係我諗嘅咁，幾溫和唔刺激，除咗剛搽上去塊面會紅紅地。

重頭戲來了！（有圖慎入）

（廁所黃光／Office 白光）

公正公平公開，剛刷上去（毛孔非常明顯嚇人）跟3天之後嘅前後對比，肉眼可見地痘印跟發炎的痘都消下去了。

因為我無閉口粉刺問題所以沒法測評，但AHA果酸溶解粉刺黑頭的效果是有口皆碑，而反正暗瘡肌是不能用微粒磨砂了（會製造更多微細傷口）

所以刷酸去進行溫和去角質是事在必行，暗瘡肌護膚太多禁忌，不能一味追求效果快......

但Gel Plus真心效果明顯，我的新痘疤在這3天都陸續變白甩皮！視乎自己的膚質，可以1星期做1至2次，我而家好期待做第2次！

真係好適合一M到下巴就爆瘡嘅女仔去粉刺黑頭同萬年痘印，唔怪之佢係煥膚更生mask界嘅王者，我會Keep住用。

呢支就係新裝，牙膏裝，唧得更順手更徹底！

成分：

－含15%AHA甘醇酸
－疏通毛孔，防偏油偏乾，油脂分泌回復正常，減少毛孔堵塞機會
－煥退粗糙老化角質，回復嫩滑，均勻膚色
－回復28天健康更生週期，煥發光澤

用法：

每星期1-2次
－潔面後，取適量 Gel Plus 掃於面部（混合性肌只塗T字位），待15-20分鐘後用清水洗淨，再塗面霜。
－首次使用者，先從鼻子作定點測試，再順序塗抹鼻、額頭、下巴、面頰