Bicelle 3D 抗氧補濕面膜 幫每粒毛孔都飲飽水 立即縮細返！

一講起Bicelle 就會諗起佢地係抗氧保濕專家，每次講到最好嘅保濕產品排名，佢地嘅產品一定名列前矛。作為Bicelle 嘅粉絲都知道針對亞洲人士皮膚去研製產品，所以佢地嘅產品特別適合亞洲人皮膚，發揮到最好功效。

最近去左做面部激光脫毛療程, 每次做完都有少許泛紅同乾，治療師強烈推介佢用開嘅Mask 比我試下，就係呢隻Bicelle 3D 抗氧補濕面膜，可以降紅、立即補水。

做完療程返到屋企見塊面有少少泛紅就即刻開嚟試下

面膜精華好足夠，多到可以搽埋手同腳，面膜係採用生物纖維，厚度比起一般紙面膜厚0.3%，貼面好多同高親膚度

我幾喜歡佢面膜嘅3D無縫剪裁，更加貼面滲透精華去肌膚之餘，仲可以敷晒全塊面同埋眼，可以唔洗再敷Eye Mask

用之前我塊面有少少紅點，面頰更有泛紅問題，鼻翼嘅毛孔都明顯粗大，敷左15分鐘，粗大的毛孔明顯飲飽水後幼細左，泛紅問題都有減淡左。

之前用過其他超高保濕度嘅面膜，用完笠到不得了，一定要過水沖洗，但Bicelle 呢隻面膜完全無呢個問題，吸收得好快，用完唔會好笠好厚重，而且肌膚會有明顯注滿水同亮白左嘅效果。呢塊面膜真係做完激光療程嘅恩物，甚至係皮膚乾燥人士嘅救星。