Bicelle 3D抗氧補濕面膜即時保濕收毛孔

Bicelle 除了B5 Gel出名好用外，其實佢個3D 抗氧補濕面膜都好正架！唔用過都唔知原來係咁好，如果兩者一齊用仲更加係保濕無敵配搭呀！

一打開鋁袋，倒出面膜就見到佢有好豐富既美容液，第一個感覺係一定好保濕同滋潤啦！唔會話好似其他paper mask精華得少少，而且佢同B5 gel一樣都係無色無味，感覺上都幾天然。

佢既設計亦好好，有兩層膠膜覆蓋著面膜，方便打開，唔洗擔心會好似其他面膜咁易整爛，而且佢個質地亦有別普通paper mask，因為佢係用科研生物纖維製造，獨特剪裁令你敷上面時令輪廓特別貼服，咁就可以令精華成分快速滲透，瞬間為肌膚保濕，幫皮膚鎖住200倍水分，唔洗驚會愈敷愈乾，敷完肌膚一整日都感覺水潤細緻，仲有抗氧、緊緻功效呢！特別適合療程後使用，有助降紅及鎮靜肌膚。面膜仲照顧到眼周肌膚，很多面膜都唔會設計埋眼部，佢呢個可以自由調節眼部面膜就非常好了。

咁多精華，敷完之後一定要按摩塊面令成分更加滲透，之後我面都唔洗，直接塗上B5 Gel，塊面即刻感覺得好水潤好飽滿，毛孔都細左添！