Out Door曬足全日都唔黑 戶外人士Must Buy Item
因為我愛sun tan膚色，所以好少塗防曬(敬請勿學，這是一個錯誤的護膚觀念)，尤其身體。不過年紀大，真心開始怕老，都係近幾年先著重防曬，現在每逢out door運動，都一定至少用SPF50防曬霜。
以前夏天去沙灘曬太陽，為左想擁有sun tan膚色，Body我只係用SPF 5既黑鬼油，面夠膽死只塗少少SPF 20就曬足一日，諗番起以前真係乜都唔怕死。
現在真係唔會再唔錫住塊面，加上近年愛上了surfing、paddle board、越野跑都係需要經常要接觸太陽既活動，個個星期唔係出海就係跑山，無支高度防曬霜旁身，我諗我一定好快老過我呀媽！
藍光都要防
以前揀防曬總之唔會令肌膚曬黑、質地清爽就算，從來都唔會深究佢點好有咩功效。直至遇上了Heliocare 360清爽控油防曬乳SPF50，係佢話我知，原來塗防曬除了要防UVA/UVB之外，仲要防藍光及紅外線，前者大家更經常會接觸，且更證實會對皮膚造成傷害，最主要是造成自由基及破壞肌膚的循環能力，導致肌膚缺氧、暗沉與老化，因此不能睇少藍光對肌膚既傷害。
坊間極罕有的全光譜防曬
產品名字中的「360」是代表360度全光譜防曬，即一次過可以有效阻隔UVA、UVB、藍光及紅外線，是坊間極少極少可以抗咁多光既防曬。
防曬+修復
佢另一個賣點就係既有防曬功效，同時又可修復DNA細胞，阻止骨膠原流失。其實Heliocare 係西班牙既醫學抗曬專家，佢專利既成分經美國哈佛醫學院及世界著名皮膚科專家團隊深入研究，證實抗曬功能卓越。
防汗防水強
好似我每次係out door曬足一日，塊面都真係無乜點黑過，而且個人覺得佢防水、防汗功能好高，因為跑山係會勁出汗、出海玩paddle board都防到水，當然中途都梗係要補塗啦！但每次回到家，只係個身曬到好黑，面上既膚色就無變過，所以攪到塊面同肩膀上既膚色差一大截！
質地透氣輕盈
而且佢係一支有色既防曬霜，好似BB Cream咁，令膚色均勻左之餘，一定唔怕變成「藝妓」咁。質地好輕好易推，塗上面時好舒服，因為佢好透氣，唔會有焗住毛孔既感覺，即使你唔out door，都要用黎抗下藍光呀！所以點都要有一支黎守門口呀！
用後，塊面膚色好自然，仲有少少光澤感。
好易推又易吸收，且帶有少少味道。塗左個邊，膚色都明顯均勻左。