【食A酸1個月】開始加強補濕，用B5 Cream 生新肌！

小女食A酸已經差唔多一個月啦！（請起立鼓掌）

雖然食A酸出名副作用多，例如瘋狂爆瘡期、傷肝引致甩頭髮、面乾眼乾總之全身都乾……但因為我食嘅份量其實超級輕，所以以上副作用暫時只有一項中咗！

就係：皮膚乾乾哋。

雖然一入夏天，公司就開行個冷氣，不過食A酸之前，我通常下午4點幾先開始feel到面乾，就係溶妝、甩遮瑕，笑既時候feel到皮膚有少少扯住。

食A酸差唔多一個月，而家Lunch之後就feel到塊面乾，尤其係兩頰位置。

即係點？即係要轉更加補濕嘅護膚品喇！

兩難既係，雖然公司好乾、但係外頭超濕熱，所以要搵潤而不「黏笠笠」嘅新護膚品。近年興起「B5」呢個成分，個個一諗到補濕就諗到「B5」！

我入手咗最出名B5系列嘅Bicelle B5 Cream。（全名叫「全效維他命B5補濕霜」）

皮膚科醫生話維他命B特別適合油性皮膚人士用，因為維他命B5唔黏膩，油性皮膚人士唔洗擔心搽完會起油脂粒。維他命B仲有8種被認可成分，可以加速皮膚修護、幫助傷口瘉合，相對安全不易致敏喎。聽落岩曬我呢種萬年暗瘡肌（仲要食緊A酸添）

（利申：唔係個樽身花，係我未撕張透明膜）

醫生仲話，維他命B5同維他命C配合住用最好，因為維他命B5原來無抗氧化能力，維C就可以令身體產生自由基，達致抗老效果。我一向用開Obagi 20%維C精華，配合住B5 Cream用無得頂，補濕又美白，夫復何求！（不過今日講既主角唔係維C精華）

B5 Cream質地半透明霜狀，比我想像中更清爽，而且延伸力非常好，小小一粒份量夠搽全塊面，我通常拎多少少搽堆落條頸度（頸都有痘印呀）。

我用佢做日霜，用咗之後發覺都唔錯！

第一、佢清爽好吸收，好似「雪」一聲就吸咗入皮膚入面，我呢啲微油肌真係好鐘意佢嘅雪糕質地

第二、雖然好快吸收，但都好補濕，而家下午喺Office終於無咁乾，我得救啦！

Before 同 After見到毛孔收細咗(因為肌膚飲飽水撐起咗)，皮膚質地無咁粗糙仲白咗一丁丁，我會繼續用佢，而家研究下敷厚啲當睡眠mask用！