【溫和不刺激又退紅！】過敏唔知用咩 mask 好?私心推介呢隻比大家！

有時都會諗上天點解咁唔公平，點解有Ｄ女仔天生麗質皮膚無特別護理都白白滑滑，但自己就偏偏係最難搞既敏感肌！轉季會過敏、太熱出汗又過敏、太乾又過敏、用錯野又過敏，真係煩死...最近貪新鮮轉用左隻某大牌子既 cream，用完第朝就出事，塊面又紅又腫仲出晒過敏粒粒，唉！同事見到我咁既狀況都嚇左一嚇，就介紹左我用 Bioderma 既紅色 Sensibio line，呢個系列係專 for 敏感肌而設，咁我就聽佢話拿拿林係 gratus 買左支深層再生防敏面膜，睇下可唔可以紓緩我既狀態。

可以比大家睇下我塊面有幾紅...

佢既質地係霜狀，包裝介紹話最好厚厚地咁塗上塊面。筆者用手試完無敏感之後就直接上面：

大約敷約 10-15 分鐘就洗走佢。洗完之後覺得塊面滑左，同埋佢真係有效紓緩同退紅！