開箱、實測！敏感肌愛牌Heliocare竟然出Cushion？！
來了來了來了來了！我與一眾暗瘡肌妹子引頸而待的新礦物氣墊終於上市了！
有看過我之前分享的絲打們應該知道，我是個100%、童叟無欺的成人暗瘡肌，為對抗這歷盡萬難、比城牆更厚的皮膚，我有2大原則：
- 護膚品只用醫美產品，皮膚科醫生背書的
- 防曬粉底只用最單純礦物成分的，就算沒卸妝就睡過夜都沒事那種（因為我常不小心睡著......所以實測過很多次Orz)
來自西班牙的Endocare皇牌蝸牛精華是暗瘡肌的愛！她的姊妹品牌Heliocare防曬產品，尤其是完全不含油分的清爽控油防曬Gel也是我的心頭好！
為了掩蓋滿臉的紅印痘印毛孔，又不想底妝厚重、堵塞毛孔，我在護膚之後通常先用遮瑕棒，再上一層防曬礦物粉......
2 Steps已經很簡單了，但Heliocare新出的氣墊防曬粉底霜（真係幫市場把曬脈），1個Step就搞掂，仲唔係懶人福音！？
Heliocare防曬氣墊粉底霜SPF50+(自然色)
真身在此，老老實實無咩特別，歐美設計無日本咁靚咁多花巧，就係一舊圓黑色，清爽俐落。50 SPF，底霜、粉底、防曬一Take過！
但打開見真章！有‧隔‧層！
點解Cushion有隔層咁重要！？因為氣墊沾滿面上嘅細菌再放喺濕海綿上面，好易令海綿變成細菌溫床，之後都無須我再多講......
叫得做醫美品牌，當然要考慮埋衛唔衛生呢一點啦！比個Like佢！而附帶鏡子都好方便出街補妝！
跟住就上手實測
呢張係就咁印幾下上手，喺室內黃光之下顯得濕潤啲、白啲、唔顯毛孔。（我本身係冷黃皮）
於是，又畫眉筆出動嘅時候啦！After係用氣墊輕輕印左2、3次，效果唔錯，都遮到７、８成。
痘印問題較嚴重嘅妹子可能需要先用遮瑕棒再用氣墊。以下就係有圖有真相，慎入！
我上礦物粉底之前無上底霜習慣，一黎礦物粉底都好養膚（但最好唔好似我咁唔落妝就瞓......），二黎本身質地已經夠控油。
呢個係出街樣，出街十幾個鐘，由兩點幾到十一點幾持妝持到返屋企，好似第二層皮膚咁。
總結：雖說係自然色，但我覺得上面都係偏粉，適合膚色比黃二白再白一點點的朋友。
遮瑕度同水潤度都滿意，上面感覺有點涼涼哋、質地輕薄，只係顏色同我膚色唔太夾。
上妝真係好快，防曬度高但一啲都唔厚。簡直係帶出街補妝，或者朝頭早想瞓多10分鐘嘅懶人恩物！