【懶人夏日必備】高效防曬 BB Cushion 面世！輕輕幾拍就安心出得街！

香港既夏天本身已經好癡笠笠，作為一個貪靚既女仔，每次出街之前化妝都要搽 Base、搽 Foundation/BB Cushion、仲要掃返一層碎粉定妝，已經 3 層...仲要香港夏天日照時間特別長又勁曬，淨係靠 Base/BB cushion 果 SPF20 一定唔夠，即係再之前仲要搽多層防曬，D皮膚焗到傻！如果你同我一樣都好怕要搽咁多層野，有好野介紹比大家－Heliocare 新出既防曬氣墊粉底霜！

市面上買到既 cushion 一般防曬數都係得 SPF30, PA++左右；但呢個防曬專家 Heliocare 出既 Cushion Campact 有成SPF50，仲要去到 PA++++，即係話你出門口前化妝用，就可以防足 50x15=750分鐘，即係成12個鐘！佢仲採用全光譜逆黑抗曬，全面有效阻隔UVA/UVB/藍光（電子產品發出黎既光）及紅外線，能夠有效預防曬黑同埋減緩皮膚衰老。

比大家睇清楚我件新玩具先，連我隻貓都好似好有興趣咁！

對於一眾懶女生黎講，BB Cushion 真係好方便，輕輕一印、再輕輕幾拍上面就已經一口氣做好防曬同埋底妝既步驟，又唔會整污糟隻手，再掃多層碎粉就已經出得街！

再比大家睇睇用完之後點，右邊係我輕拍左一層既效果，明顯睇到佢有提亮既效果，防曬又勁 COVERAGE 又OK，而且不含油份﹑Paraben及酒精，適合所有肌膚！不過佢唯一有樣缺點係，佢防水效果普通，如果去游水既話就唔建議用佢，其他果D户外活動都無問題！