憋氣也要用的蝸牛精華！SCA 40 vs SCA 50 親身大對比！
作為萬年暗瘡肌，我對蝸牛精華的修復功能情有獨鍾，比較各家蝸牛護膚品之後選了西班牙品牌Endocare
到底Endocare SCA40蝸牛精華有幾「巴閉」?點解咁啱問題肌膚用？實測詳情睇呢度
之前都講過我用開SCA 40（一支分開早晚用），等有錢就用SCA 50......而家我嚟兌現承諾啦！燈燈燈燈－－登！
廢話不多說，畢竟我都係資深蝸牛用家啦，立即實測吧！
本來以為濃度從SCA40提升至SCA50應該肉眼睇唔出？！......錯！大錯特錯！
睇睇個質地，將SCA 50對比SCA 40，40是精華液，50是精華Gel啊！我掌心中的每一滴都在尖叫著「我是SCA50，濃度高！」
好，上面啦！然後最難受的部分嚟啦！
用過Endocare產品都知道，佢有一種特殊氣味，不難聞也不好聞，就係品牌標誌性的氣味，一嗅就知「哦！Endocare！」
但係！SCA 50呢支嘢真心濃度高，陣味好似強咗50倍！我好難形容陣味係點，如果你養過兔仔或者倉鼠就會明，好似個陣木屑味。
好似某牌化妝水個陣臭口水味咁，呢隻蝸牛精華都有陣木屑味，呢啲.....就係錢嘅味道！哈哈哈哈～
小貼士 1：陣味有啲難頂，你可以學我咁憋氣搽全面，再立即上另一種Product Cover佢陣味
小貼士 2：雖然質地「傑」，但一支精華份量仲多過SCA 40，真係良心！SCA50可以分3次用，啱曬我呢啲窮鬼！
陣木屑味好係皮膚會變好嘅保證......？
有圖有真相！紅圈位係皮膚敏感，同肌膚失去彈力下陷位，用5支後(每支分2~3次用)，敏感位消失，最驚喜係肌膚下陷位都漲返少少！
大家可以睇埋臉頰痘坑嘅分別，注意返，痘坑係唔會因為皮膚補夠水而「消失」，但的確會因為膠原蛋白多咗、皮層厚咗結實飽滿咗而撐起，睇上去無咁明顯，皮膚睇落去好咗好多！
另一點想特別提嘅係：點解我可以肆無忌憚一支分幾次用？（雖然最好一支12小時內用曬）
就係因為SCA精華匠心獨運嘅開封設計(無論40/50都係呢個設計）輕輕力擰開個蓋栓，用完再掉轉個蓋塞返入去，就可以封返口！超方便又衛生！
SCA 40
吸收速度：★★★★★ 勝！
補濕度：★★★
緊緻效果：★★★
用感：★★★★★ 勝！
SCA 50
吸收速度：★★★（5星為最高）
補濕度：★★★★★ 勝！
緊緻效果：★★★★ 勝！
用感：★★★
注意返，每個人對同一種Product嘅用感都未必一樣，我嘅膚質係混合性偏油，我覺得乾肌／初老肌用應該Feel到更大分別同功效。
夏天早上出街可以用SCA 40，夜晚瞓覺做深層修復就用SCA 50，咁就Prefect！而功效嚟講，50質地更潤更補濕，我覺得修復、淡疤、拉提、泵漲肌膚的確係更快！
對我嚟講，SCA 50唯一缺點就係陣味太勁，不過慣咗都無咩嘢。畢竟，真係有效！