#夏日護膚迷思：控油，點知愈控愈油？！

講到夏天美容保養，皮膚長期痴痴笠笠，好多人第一時間都會諗點先可以「控油」，更有人認為夏天唔需要做保濕，冬天先需要，其實呢個係一個好大既謬誤！要知道你皮膚成日油淋淋，其實就係因為你皮膚乾，水油不平衡佢先出極唔停，「控油」其實係治標唔治本！

控油＝越控越油？

無論買 skincare 定係化妝品，都成日被灌輸「控油」呢個概念，但皮膚分泌油脂既作用其實係為左保存（Trap）肌膚中既水份。但點解夏天會特別油？當氣溫每上升 1 度，皮膚既水分流失相對提高，皮膚既排油量自然就會增加10%，阻截皮膚水份進一步流失。受住咁既環境因素影響，你仲去大力控油，只會令到皮膚出更加多油！因為皮膚係會分泌更加多油脂去保住所剩無幾既水份，愈控油愈乾就係咁解！

夏天更加需要做好保濕！

既然出油係因為天氣太熱令水份流失，即是自然現象，我地要做既唔係控油，而係做好保濕！當你既皮膚有足夠既水份，就無咁容易觸動到皮膚油脂既「神經」，自然就唔會咁多油份係塊面度。至於夏天既保濕產品應該點揀？大家可以挑選 gel 或者 lotion，佢地既油份唔似得 cream 咁重，質地清爽，皮膚好容易就吸收晒又唔會痴笠笠。例如呢隻 Bicelle B5 Gel，含有大量大份子、小份子透明質酸，能夠迅速注入1,000 倍水分直滲透肌底層，我皮膚狂出油問題都係靠佢解決。