【實測 2 weeks】皮膚補極濕都仲乾？！係時候由化妝水轉用肌底液

點解夏天先嚟轉比較潤嘅Product? 化妝水唔係比肌底液更清爽咩？

好啦，第一，肌底液其實無想像中厚重，要睇返唔同品牌同技術，肌底液同精華水、面膜水亦有功能上的分別，肌底液應該係三者之中質地最輕身嘅一款；

第二，個人經驗嚟講OL喺夏天反而仲需要補濕過冬天！大家都知道香港室內冷氣幾勁，我檯頭溫濕計顯示濕度永遠under  43%，都咪話唔驚！

其實我已經悄悄轉咗精華同Cream（我轉的高濃度蝸牛精華點這裡，B5 Cream點這裡看真實測評），感覺仲係差啲啲……到咗差唔多收工會Feel到塊面有啲緊，脫妝又比較嚴重。

咁點算呢？就算主菜再好食，都要有前菜幫皮膚開胃，如果唔係食極有限！我最近就開箱實測咗INSTITUT ESTHEDERM 注活細胞水漾精華肌底液（個名太長，下稱肌底液）

咁呢支肌底液究竟可以點幫到我？有2點，唔講術語講人話！第一、佢係用100% 專利嘅 Cellular Water 細胞水製作，含礦物質、微量元素、透明質酸及SOD 抗氧酵素等，所以佢唔係水，基本上已經係補濕液，同肌膚細胞相容性高達76%；第二、佢又有專利水通道蛋白（真係好多專利），可以打通水管道幫肌膚Pump水！

講多無謂，試咗最實際！

初老肌、乾躁肌可以用完肌底液再用化妝水，我無乾成咁所以直接用肌底液取代化妝水。倒少少肌底液喺掌心，比大家睇下質地，介乎液體同精華液之間，有點黏。

質地比較稀薄，大家可能睇得唔係太清楚，實際比液體濃稠一些。

塗上面再按摩一陣，就Feel到肌底液「咻咻」聲入咗皮膚啦，等吸收晒之後好清爽。

 跟手持續追蹤 2 星期！（真相慎看）

 睇返個紅圈圈住嘅位置，臉頰下陷位係慢慢漲返嘅，因為肌膚表層有飲飽水，同埋膚色都白咗一丁丁。

點解要追蹤 2 個星期呢？因為我仲想試下佢嘅專利淨化肌膚成分 SKIN NOTOX，聽講佢會喺皮膚表面形成隱形薄膜，洗面嘅時候將微粒等污染物就會順勢連同薄膜一次過帶走。

睇相未必睇得出，不過每晚返去洗面之後感覺係白淨咗，鼻頭毛孔細咗。喺Office5、6點真係無咁乾，用肌底液取代化妝水Step，Work For Me！

P.S. 呢支肌底液係新出嘅，大家都可以一齊做下開箱實測！