【實測】用酸泥吸走曬黑頭粉刺！Bye Bye士多啤梨鼻！

遺傳咗我阿爸嘅皮膚，先天基因問題，我嘅皮膚由中學開始就無好過……

我已經唔記得咗自己曾經有過剝殼雞蛋，即係見唔到毛孔嘅肌膚嘅時候，Anyway，就算無辦法做到毛孔消失，至少都要定期清黑頭，唔好比佢變士多啤梨鼻！

我係泥mask嘅忠實Fans，總覺得要將污糟吸曬出嚟，再用黑頭針清曬先安心；亦試過各大牌子出名嘅泥膜，「綠泥」、「泥娃娃」、「荷里活泥」......通通都試過！

老老實實，酸同清潔類護膚品，我一直感覺都係歐美牌子做得比較好，因為日韓品牌下手太輕。

我為咗寫呢篇文上網查查，原來我用過所有泥都係美國出嘅！竟然係咁！

今次試嘅都係美國泥，仲要係該牌嘅皇牌Product！

美國品牌嘅皇牌Exuviance 深層潔淨更生面膜 Purifying Clay Masque

其實包裝同內容物都無咩好睇，醫美品牌基本上全部都白+藍性冷淡風，不過呢個泥係特別在於成分：佢，有酸！

矛錯，Exuviance嘅Clay Mask當然唔係就咁去大自然邊度挖一灘泥比你咁簡單，佢係醫美牌子，如果無勁效認證佢哋係唔會出Product嘅！

有咩好得過就直接將看門口配方PHA同Bionic Acid煥膚配方加埋入去更好？因為經過千錘百煉嘅皇牌配方一定有效嘛。

所以，你用佢，除咗有一般泥Mask嘅吸污功效，仲可以溫和去埋死皮、煥膚美白，一物兩用咪好抵？

注意返，係連敏感肌都可以用。

淺綠色膏狀質地濕潤易推開，係比其他Clay Mask易推啲，所以份量可以拎少啲。

它是一股好聞的藥味，而且感覺很清涼，令我邊敷邊想起愛用的積雪草成分，也是涼感、有藥香。邊敷邊感覺好消炎降溫，冰感啱曬夏天用！

 5~10分鐘就可以抹走

小貼士：直接洗走洗死你，最好用化妝棉抹走大部分先再洗面啦！

皮膚無繃緊感，因為佢可以比敏感肌用，所以都預咗唔會好乾。

肌膚明顯白淨不少，而家再睇下我最關心嘅鼻頭先，效果都唔錯，泥Mask就一定會有即時效果嘅，不過佢嘅配方有埋酸同維他命A、C、E，我可以省卻刷酸步驟。

請忽略我毛孔粗大哈哈哈哈！

睇返個鼻頭嘅Before After先，黑頭真係溶解洗走、少咗好多！佢成分有酸真係好加分，相信我一星期用佢同Gel Plus輪流用，就可以收埋支水楊酸化妝液啦！