著唔到背心！背脊有粒粒又有暗瘡要點解決？！

炎炎夏日，又是小背心、短褲出動的季節，但背脊咁多粒粒同暗瘡，仲有印，點見人？！首先我地應該要先了解背脊既粒粒係點形成，解決左根本既問題先再解決Ｄ印，如果唔係沒完沒了係咁生暗瘡，到時夏季都完了。

點解夏天背脊特別易生瘡？

（１）油脂分泌長期旺盛

香港既夏天又濕又熱，令人汗流浹背，油脂分泌亦較旺盛－因為氣溫每上升一度，皮膚水分就會較易流失，為左 keep 住僅餘水分皮膚就會出更多油。

（２）毛孔閉塞

由於油脂分泌以及汗水，加上背脊肌膚長期比衣服包住，令情況雪上加霜，毛孔容易閉塞，就會形成暗粒、暗瘡問題。

背部粒粒解決方法

（１）去角質

定期去除背部皮膚的老化角質層，才可以減少因油脂污垢的堵塞及積聚而造成的暗瘡或粉刺。市面上有不少身體磨砂產品，都可以做到磨砂同時滋潤的效果，只要定期為背部皮膚去除角質，就可以減少暗瘡粉刺的形成。

（２）保濕乳液

正如剛才所講，氣溫每上升一度，肌膚水分就會進一步流失從而分泌更多油脂。所以要改善背脊暗瘡問題，應該從保濕入手，水分足夠，就能夠做到水油平衡，自然唔會出粒粒啦！