吸暗粒高手~~Exuviance 深層清潔更生面膜

夏天肌膚特別易出油，搞到油脂粒、暗粒特別多，但做得控油多，又好易令肌膚乾，所以我會選擇勤用深層清潔面膜。

不過好多人都會話做得多深層清潔面膜，肌膚都會好乾。不過我用嘅Exuviance 深層清潔更生面膜就唔會有呢個問題。

呢個皇牌產品含有多種專利煥膚配方，如5.5﹪PHA、0.5﹪乳糖酸等，可以好有效咁淨化肌膚，將老化角質和毛孔污垢通通吸走，同士多啤梨鼻、粉刺、暗粒講Bye Bye，令肌膚重現光澤幼滑，用後毛孔都無咁明顯。雖然佢有果酸成份，不過含量不高，溫和滋潤，敏感肌亦可安心使用。

我用左1個月，每個星期用1次，暗粒&粉刺明顯少左，更可令後續嘅護膚品更有效吸收，現在塗任何產品，都好快吸收呢！最重要係用後肌膚一d都唔乾，就算過了一段時間，肌膚依然感覺好滋潤，唔似坊間大部份嘅深層清潔面膜般，一洗完面，肌膚即有繃緊感覺。

面膜顏色係薄荷綠，敷上面後即有種冰冰涼涼嘅舒服感覺，好適合夏天用。待5-10分鐘後洗掉，皮膚立即明亮左一度