肌膚乾燥敏感 一支防敏隔離霜搞掂即出街

最近空氣唔好，肌膚好易敏感發作，所以都唔敢亂用護膚品。不過防曬一定唔少得，事關佢係保護肌膚嘅第一度屏障，唔係肌膚細胞受到紫外線嘅傷害，更會令敏感問題加劇。

補濕抗敏防曬三合一

所以最近我轉用了醫美品牌Bioderma水活透亮保濕隔離霜SPF30+，佢能過濾紫外線UVA及UVB，有效防曬及抗光老化，再配合維他命E高效抗氧，有助延緩肌膚老化。蘊含專利Aquagenium同仿皮膚生物技術，可以刺激肌膚天然「水瑩管道」生長，再加埋升級透亮保濕配方，可以全面提升肌膚保濕力及鎖水度，發揮持久滋潤及亮澤效果，特別適合乾燥、極乾燥、缺水敏感性肌膚使用。

絕無白面問題

又滑又軟綿綿的cream狀，容易推開吸收，其獨有珍珠粉末成分，可令膚色光澤帶均勻，潤澤透亮，暗啞bye bye ，更沒有「生硬白面」既效果。另一種成分Salicylic Acid仲可以撫平粗糙乾紋，不過遮瑕功效近乎零。

用後膚色的確均勻了，不過就零遮瑕功效。

補濕力強

不過最重要係佢嘅保濕功效真係唔錯，本人肌膚都屬乾燥型，一開始見到佢觸感唔太水潤，都誤以為會好快出乾紋、乾皮屑嘅問題，但又意外地水潤，即使係冷氣環境下過左大半日，肌膚都依然keep到滋潤感，未發現乾紋嘅蹤跡，可作化妝底霜或防曬使用，絕對不含Paraben、不怕會造成粉刺出現。

以我咁懶既人嚟講，weekend出街只需塗上佢，就可以出門，快捷方便，仲可以減少對皮膚負擔，同時又無懼轉季皮膚出狀況！