秋冬must have！呢支補濕 mask 用完皮膚好似飲左 8 杯水一樣！

近日天氣一轉涼少少，皮膚就即刻對我作出抗議，塊面除左有少少繃緊外，鼻邊成日都出現甩皮既情況，嗯，秋冬季真係來了。秋冬保養最重要就係做好補濕工作，因為空氣濕度低，寒冷天氣容易抽乾皮膚水分，呢個就係我地皮膚點解會又甩皮又繃緊既原因。最近朋友就推介左支補濕 mask 我用，見佢講到好神奇咁搞到我都衝動入手了，今日就同大家分享一下用後感：

Bioderma 姊妹 Brand - INSTITUT ESTHEDERM 既黑色透明質酸系列，係醫美界向來都相當有名堂。呢支三重強效透明質酸面膜含有三種不同大小的透明質酸，容易滲透到肌膚每一層，能夠即時搶救及護理脫水皮膚，減少不舒適的感覺。維他命 E 成份有抗氧化功效，有效延緩皮膚老化，同時修護重整及強化細胞功效。

再比大家睇睇我皮膚狀態，筆者係過敏性混合肌，一轉季皮膚就好易泛紅，同埋都睇到我鼻邊位置有甩皮既情況。

支 Mask 既質地係膏狀比較杰身，但又好易推，因為佢滿滿都係滑溜既透明質酸。用呢種補濕 mask 要注意既地方係，唔可以搽得太薄，唔係就會無左包住肌膚補濕既效果：

最理想係搽到成面都係可見既白色，不過作為小資女既筆者唔太捨得用咁多（笑）。然後大約敷 15-20 分鐘，再用清水洗淨就可以了。

效果真係超神！皮膚即時提亮左 2 度，好似自帶光環一樣，好鐘意呢種感覺呀！呢度有個小 Tips 比大家，做完 mask 記得要再搽 cream 狀補濕霜，因為佢帶有油份，作用係將水分卡係皮膚內，肌膚就唔會咁易變乾。

有圖有真相！一對比就睇到皮膚用完之後真係水潤左好多，泛紅狀態都因為皮膚飲飽水之後改善左，朋友果然無介紹錯，呢支 Mask 已經成為左我秋冬 must have item！