Endocare Concentrate C Pure 14天明顯亮白

夏天經常暴曬，搞到皮膚變得又暗又黑又乾，個樣望落即時老左一截。

試用Endocare Concentrate C Pure 維他命C 亮白修復精華，一盒14天療程，意外地得到明顯又快速的美白效果！大家有用過美白產品都知，大部份的美白效果其實都唔會太明顯。因此我都無乜特別期待過呢盒精華，結果waaaa…………。

首先維他命C眾所周知是有抗氧化功效，有助肌膚抗衰老，我無間斷地用足14日。如果……膚色明顯白左2度，我本身膚色屬傳統亞洲女性一樣偏黃，加上暴曬過，十足「非庸姐姐」一樣，又黃又黑又乾，如果你係偏黃既人士，都好明白，我地黑左係好難白得返。

所以未用這盒Endocare Concentrate C Pure之前，已好質疑其成效，結果，好有驚喜同好滿意。14天後肌膚明顯白滑左，膚色均勻有光澤，將我本身偏黃的膚色變得明亮左，少了暗黃的感覺，望落去整個人有神左，好難得14日就有亮白效果。

質地好滋潤，吸收快速，好似直接將水分注入皮膚一樣，用後即令崩緊感覺、乾紋消失，肌膚即時回復滋潤柔滑。用左5日後，膚色都未有太明顯的改善，但最大的感覺是無左枯乾感覺，多返點點彈性緊緻，望落後生左！膚質好左，上妝都特別貼服！

我最欣賞係在包裝上，小樽式設計，既保鮮又衛生，又易控制份量。一樽已經剛好夠用面同頸，面頸同時美白唔會2截色！