終於搵岩最適合我的保濕精華

市面上的護膚品形形色色，但只有保濕品先令我最感興趣。因為我肌膚較薄，又經常出現泛紅問題，又容出油脂粒同痘痘，所以我盡量避免塗太過滋潤的產品，怕堵塞毛孔，而美白產品又驚刺激會皮膚，因此唯對保濕最適合我。

亦因為怕出油脂粒和痘痘，所以我的護膚概念就係「多一事不如少一事」，盡量保持皮膚潔淨，每晚落妝後，都堅持皮膚零添加，一星期只敷一兩次保濕面膜，就係咁多，可能保濕工驟一直都做不足，搞到我肌膚愈來愈乾，仲長期出細紋添，有時仲會因乾燥而感覺刺痛，尤其在秋冬日子，情況更甚。

朋友介紹了Bioderma Hydrabio Serum激活水循環給我試用，它是一支保濕精華，半gel狀半乳霜的觸感，質地輕薄、滋潤、清爽已總結晒整支產品，用後肌膚清爽不油膩，用後幾秒間，可使我的乾紋或細紋撫平左，誇張啲叫做「瞬間消失」。

我連續用了幾晚，覺得佢好夾到我肌膚，俾到我肌膚需要嘅水分、抗敏及養份等東西，用後肌膚更沒有不適問題。因為之前試過好多保濕品(即使聲稱是醫學品牌)，用後好多時都會有敏感、泛紅、出暗粒的情況。

見同佢咁夾，我仲用埋佢做化妝前嘅保濕打底，用咗佢加防曬cream再化妝，不但令個妝貼服自然，水潤飽滿，仲可以keep到全日綽綽有餘，我諗之後嘅日子我都係靠佢做日常護膚品，一枝走天涯。