【冬天補水神器】已經成為我最愛！呢隻 Mask 一定要推介比大家！

近日天氣顯著轉涼，天文台仲話下星期氣溫會跌到 13 度，大家除左要多穿毛衣注意保暖外，可別忘記要好好錫住肌膚！寒冷的天氣會影響皮膚本身的保水度，加上油脂分泌減少，乾癢的狀況就會出現，做好補濕好緊要，今日就有好野推介比大家！

Bicelle 既 B5 系列向來都相當有名，筆者向來都係佢既 B5 gel 既 fans，一年四季都用佢，最少都用左 6,7 支吉樽！最近皮膚開始繃繃緊仲有少少甩皮，而今個星期又要出席好姊妹既 Big Day，二話不說就入手左同系列既補濕 cream mask 急救一下！

佢 size 比想像中大罐，質地方面佢雖然係 cream 狀但佢唔係杰身，反而係偏向水潤，相當好推。唔洗話用太多份量，就已經可以塗滿成塊面，高 CP 之選！

包裝盒列明可以敷10-30分鐘，大家可以因應自己皮膚決定，筆者就選擇敷 20 分鐘，洗完個 mask 之後一D都唔繃緊，皮膚好似即時補左3,4杯水咁既感覺，光澤感都大大提升，第日起身皮膚都維持水潤狀態，真不愧為補水神器！