【用完 4 支空樽！】一年四季都唔可以無左佢嘅補濕精華

打扮要換季，護膚品都要因應天氣而換季，但唯獨係呢支補濕精華係可以一年四季都照用，愛不釋手到已經回購左最少 3 次，係我化妝櫃裡絕不能缺少嘅重要一員！就係一向被譽為「補濕神器」既 Bicelle B5 精華！

支嘢主要成分係透明質酸同維他命B5，佢嘅質地係好水潤，本身都有Ｄ擔心冬天用會唔會唔夠滋潤，但當搽上面嘅時候，會 feel 到佢雖然望落去好似水咁，但好滑同埋少少癡手，搽完之後感覺到皮膚好似飲緊水嘅感覺，仲有即時提亮嘅效果，無論夏天定冬天用，效果依然係咁勁，真不愧為保濕神器，果然名不虛傳！

佢獨有既「Tri-Hydra三角醫學補濕系統」能夠迅速注入1,000倍水分直滲透肌底層，仲可以截擋肌膚氧化、抗氧防老、減淡細紋；同時徹底修護、激活細胞回復水嫰年輕，呢個就係佢能夠做到咁補濕嘅秘密方程式！

我向來都係 B5 嘅忠粉，如果果期太乾，會建議配合埋同系列既 B5 補濕 cream 一齊使用，用之前先搽一層 B5 gel 打底，再敷大約 20 分鐘，皮膚就好似小朋友咁飽滿水潤！