一支解決轉季敏感乾燥煩惱

潮濕悶熱咗大半年終於等到入秋，但空氣污染天氣又反常，轉季keep住熱但濕度下降，3X歲敏感底加上撞正快到每個月唔方便嗰幾日嘅時候，敏感泛紅生暗粒，用水洗面都感到刺痛，心情同皮膚真係差到一個點……

想搵一支可以紓緩到我肌膚敏感，又可以補水嘅產品就最fit！而我因為有用開Bioderma卸妝水，感覺其功效真係溫和低敏，用後肌膚絕無不適感，因此就試埋佢嘅補濕精華Bioderma激活水循環精華。

佢有一個好特別嘅成分----「仿生物」具有高度抗敏，有助增強皮膚抵禦力，免受外來刺激的功效。同時又有專利保濕配方Aquagenium®，可以增加同強化肌膚的天然「水瑩管道」，促進肌膚水分循環，引導皮膚自我補水。簡單講即係一支可以抗敏，同時又有加強肌膚自我補濕力的精華。

我最鐘意佢凝露質地，清新保濕。全面薄薄搽一層肌膚清爽唔笠，唔怕會有生暗粒嘅問題，之後肌膚摸上去滑滑哋，好似有層保護膜保護住入面嘅水分，以防其蒸發。而且非常易吸收，對於敏感、泛紅、缺水嘅肌膚問題有即時紓緩效果。

妝前用更不會再有卡粉現象，我仲試過吱幾滴混入粉底液用，就連個底妝都自然貼服左。試過鼻敏感個鼻捽到甩晒皮、紅卜卜，搽少少在甩皮位，肌膚即刻唔再「嗱住嗱住」，仲水潤左好多。Keep住用肌膚時刻都充滿水分，咁就可以解決轉季煩惱啦~