Institut Esthederm多功能面膜 節省我好多護膚煩惱

12月月購會又有新野比我試用啦！同之前一樣，今次我揀左咗「12月限定精選」Institut Esthederm三重強效透明質酸面膜，而我亦發現原來月購會「限定精選」嘅產品全部都係gratus嘅王牌產品，全部都係性價比高既skincare！

臨近年尾，工作量相對較多，我更加冇時間處理自己嘅皮膚問題，可以同大家分享呢支面膜好有功能性，因為有成三種用法，正正啱晒工作繁忙又懶躲嘅我啦！ 我唔需要再花額外時間每日去煩惱護膚程序，塗咩精華等等。

首先一，當面膜用。厚敷於面、頸部15至20分鐘後清洗。

二，當睡眠面膜或晚霜用。搽上面上，不用清洗，敷過夜。

三，眼膜使用。 敷於眼周10分鐘後清洗。

質地較一般透明質酸面膜厚實，塗上面嘅時候好似有一層保護膜咁，好舒服又涼涼地😌我比較多以睡眠面膜用，第二日起身嘅時候肌膚零崩緊、零出乾紋，之後再把厚厚嘅保護膜用溫水清洗乾淨，塗番後續護膚品，然後再上妝，不但令妝容更貼面自然之外，個妝仲可以last足一日，因為肌膚有足夠的水分，就會令油分分泌少左，溶妝問題都少機會出現啦！另外提提大家因為夜晚係皮膚吸收營養嘅最好時機，強烈建議大家可多作睡眠面膜，好讓肌膚時刻保持水嫩柔滑，大家一試無妨！