Esthederm肌底液 補濕力贏足幾條街

最近不停介紹Esthederm嘅產品，因為真心係好用，佢嘅高度補濕功效能80%滿足我極口渴的肌膚需求。

之前試過Esthederm三重強效透明質酸成條line之後，對佢既補濕加晒分之同時，聽同事話佢支肌底液又係超好用，當然又樂意試下啦！結果滿意度係……爆燈，尤其係補濕方面。

Esthederm注活細胞水漾精華肌底液同大部分的肌底液都同樣有萬能key的功效，即可以加入大部份護膚內，又或是底霜、粉底液mix埋一齊用，增加產品的滲透度及補濕度。

Esthederm支肌底液正確嘅用法係爽膚水後及塗精華素前用的，從而有助提升之後護膚品的吸收力。不過懶底嘅我就直情當佢係爽膚水用，拍上面後，即時感覺到滿滿的水分擁入肌膚內，持久度驚人。相比起其他肌底液，就沒有這麼明顯了，好多時其補濕效果還是一瞬即逝的，用完等於無用，又或肌膚好快就感乾燥了。

質地屬輕盈的水狀，我嘅懶人用法係直接將肌底液倒在手掌上拍上面，拍左幾下後你會feel到肌膚忽然pump滿水一樣，回復水漾、柔滑及細緻，個種補濕嘅感覺就連肌底都感覺到，好深入而且超水潤。

之後即使沒有直接塗上精華或面霜一段時間，肌膚都沒有乾燥繃緊既感覺，比起其他肌底液的所謂持久補濕力，簡直贏足幾條街，真心沒有誇大。再一次證明Esthederm的產品補濕力非同凡響。