我搵到支岩我補濕 以後唔駛再爆瘡

對Bioderma呢個品牌既認識一直停留係「紅水」(卸妝水)的印象，對品牌個人感覺就係清潔力強及防敏功效好好的。

今次意外地試到Bioderma水活透亮保濕日霜，真係令我有點驚喜。產品係牙膏型設計配上bump頭，使用時好方便，瓶蓋設計令成件事好衛生，用後唔會搞到四圍都係。

我本身係混合肌，最怕d補濕霜太油膩而搞到肌膚生粒粒。好彩呢支Day Cream質地非常清爽，淡淡既香味令人感覺十分清新同滋潤。

而最近特別壓力大，係咁不停生暗瘡，仲有2粒係萬惡既石頭瘡，但自從我用左呢支Day Cream後一星期，暗瘡竟然生少左，就連石頭瘡都慢慢減退，證明我本身肌膚係好缺水，而佢就可以為肌膚做好水分打底，減少油分分泌，平衡番肌膚的水油分，自然令暗瘡都出少左。

結論而言，呢支Day Cream最適合缺水皮膚用，持久滋潤又唔會太油膩，就連敏感肌都用得呀！