帶口罩之餘，也不能忘記補濕

最近疫情關係，無論出街定返工都要帶住口罩，一帶就成日。所以成日焗住d皮膚，搞到又乾又痕，仲有少少敏感添。

好彩今個月嘅月購會，我揀左Institut Esthederm 三重強效透明質酸精華。之前都有用過呢個系列嘅面霜，都知道呢個系列運用左佢地最出名嘅獨家細胞水專利同三重透明質酸技術。一支包含了唔同大小嘅透明質酸，令皮膚上至表皮層，下至真皮層形成吸水網，即時為肌膚大量補濕，紓緩乾燥繃緊問題，仲可以幫助保護及延長透明質酸壽命，從而延緩皮膚老化！

我好鐘意佢用Pump裝式作設計，好方便簡單易用。瓶蓋仲可以鎖住，方便去旅行放入喼，唔洗驚漏到周圍都係！

質地好水潤，揸上面好易推開又好快被吸收，塗完即刻帶口罩都唔會整到周圍都係～用左幾日覺得皮膚水潤左好多，佢既持久補濕度都好強勁，就算帶左成日口罩皮膚都唔會變乾！