用後唔乾、又去到黑頭既Clay Mask

一向都唔太愛用clay mask，因為嫌用後皮膚立即有「乾淨淨」既不舒適感，即使再塗幾多補濕品都好似補唔返。

不過Exuviance Purifying Clay Mask意外地竟然唔會有呢個問題，用後肌膚零乾燥感，立即塗返補濕品，肌膚已回復水潤幼滑~

質地塗上面後肌膚即有種清涼感，好岩夏天用。仲比我想像中易沖洗，用微溫水2分鐘即可全面洗乾淨。

重點當然能輕易地去走黑頭污垢，士多啤梨鼻都即時變番乾淨明亮，毛孔都明顯收細左，就連本身紅腫既暗瘡都回復番平靜，真心推介。