甘醇酸1+1用家真實回饋

用咗呢個組合已經有一個星期！而家嚟做一個回饋😁我嘅皮膚係混合油性皮膚，供大家參考一下！

1. 首先Gel Plus面膜聞起上嚟有啲酒精味，搽上面之後成膜非常快，會有些少刺痛嘅感覺，維持大概30秒之後刺痛感覺會完全消失。第一次我全面敷咗15分鐘，係有暗瘡嘅地方我重點再搽一次，令我驚喜嘅地方係第二日暗瘡竟然變平咗🥹皮膚亦都會變得比較有光澤，所以我覺得呢個面膜唔單止可以當作清潔面膜，亦都可以用來做急救面膜，非常好用！會一直回購落去🥰

2. 精華方面，上面嘅時候我建議大家先做好保濕，因為佢會帶嚟一啲刺痛感，而呢一種感覺會持續大概一、兩分鐘先至消失，如果做好保濕，呢個時間會縮短！好用嘅地方係你會見到暗粒消失晒，但如果你塊面比較敏感，就可能會出一啲敏感引致嘅粒粒，所以呢隻精華我會推薦比皮膚屏障健康嘅朋友用！如果你係敏感肌膚，就建議你揀同牌子嘅restore系列精華，嗰個都非常之好用！🥰