[減肥成功分享] elyze定位修形幫我重拾腰線

日日坐係公司至少8個鐘，下半身感覺愈來愈肥大了！雖然著咗衫唔多覺，但當小妹一著少布少少嘅衫，條肥腰就會原形畢露了！前排終於忍唔住要去做機減肥，定位減減個腰位。左揀右揀，最後選擇去elyze定位修形做CoolSculpting冷凍溶脂療程。療程利用專利技術CryolipolysisTM，1 次定位減薄22%脂肪層。

佢既原理係:~ 利用真空吸吮技術，凝結療程部位脂肪，令脂肪自然凋亡，再經新陳代謝自然排出體外~ 效果會係大約2-3個月內呈現~ 技術獲美國FDA及歐盟28個國家CE認可，安全有效連醫生都信賴~ 全球已進行超過有500萬人次見證療程咁多野加埋，令我放心將衣項任務交比elyze。講開又講，大家知唔知咩嘢叫腰線呢？

173414aq7k7pgh9wvhgbp9

其實小妹都唔知，但自從去完elyze定位修形，就知咩嘢叫腰線了！原來腰線最理想的位置係肚臍附近位置，但隨著成日坐，腰線係會向上移的，小妹的腰線距離肚臍係差好一段距離的！所以我決定要係elyze呢度，尋回我的腰線！

呢次療程係金鐘太古廣場度做，呢度好大，有兩層的！第一次上去，當然要先填少少資料啦！邊填資料，仲可以邊嘆薑茶同有cupcake食呢！

填完資料，就等靚靚治療師Hazel帶小妹去CoolSculpting冷凍溶脂療程的房間換衫啦！呢間房都好大喎，可以同埋朋友仔齊做！仲有電影睇呢！

換完衫，治療師就先帶小妹進行一個詳盡嘅Inbody身體分析及脂肪測試，幫小妹測量我身體嘅水份、脂肪、肌肉、骨骼嘅比例，確保治療師能根據小妹嘅需要，為我訂立一個最適合嘅定位修形方案。

出嚟的結果，都唔算太差喎，係有d部份真係脂肪多d同唔夠肌肉囉！原來我重災區真係腰啊！腰的脂肪量真係最多！好彩整體上都算健康，冇超標！但唯一一樣係含水量唔夠啊，要再飲多d水！ Check完inbody就返入做CoolSculpting冷凍溶脂療程的房間lu，治療師經過詳細考慮和跟小妹商量後，她決定為我做後腰部份，因為佢話我後腰的脂肪，仲勁過肚腩，而在進行療程前，先為我度一度後腰的脂肪含量

度完後腰脂肪百分比，就開始CoolSculpting冷凍溶脂療程啦！而療程開始前，治療師先為我貼上一塊類似啫喱貼的東西，後再吸，講您知，做呢個療程的感覺吧！就係好似有個強力大吸頭，吸啜住您d肉咁，少少痛啦，但我想講，當治療師幫我set好曬嘢後，佢出咗去，比我自己休息時，我過咗一陣就瞓得著咗lu，如果唔係趴係度的姿勢，我諗我仲可瞓耐d呢！哈哈…

不知不覺間35分鐘(一邊位置)療程就結束了！

做完後，係會紅咗一大噠的，但我好快已經冇痛了，而呢噠紅，我大約用咗三天就自己消散的！但呢三日，呢一忽d感覺好得意，按落去好似唔係自己忽肉咁，冇咩感覺的！但隨著紅散後，就冇頭先講嗰種感覺了！好似以前咁，冇咩特別！

第二次療程，如是者再做埋另一邊右腰！又係35分鐘… 但今次治療師話我已做的一邊腰，已明顯較之前凹了少少…佢話我效果出得好快啊，我話，梗係，我有聽您講，飲多d水！我冇乜點做運動，照番平時咁生活，唔好暴飲暴食，只係再比平時飲多咗水！當完成兩次CoolSculpting冷凍溶脂療程後，治療師再為我plan嚟緊第三次同第四次療程，呢兩次也是做RF活化循環療程，呢個療程係可促進身體循環，利用專利射頻深入皮下組織，令皮膚表層溫度達至39°C，利用熱力令血管擴張，暢通循環管道，加快排脂效能。其實呢個療程真係好舒服，暖暖地咁，啱曬冬天凍冰冰做，治療師話我都幾毒(可能坐得多)，因為做完後，都幾多毒排出嚟(毛巾上的啡黑色物體－好神奇呀！)，因為愈排得多，代表您個人愈毒，辛苦曬清潔姐姐了！

但當第四次做完療程後﹐d啡黑色毒物，又真係比上次少咗喎，見到分別都開心！

而接下來，剩番的療程，就係做RF深層擊脂療程，針對頑固脂肪，以單極射頻深入皮下20mm脂肪層，令皮膚表層溫度達至41-42°C，以熱力縮小脂肪體積，並加速新陳代謝。RF膠原緊緻去紋療程，利用雙極射頻深入真皮層2-4mm，令皮膚表層溫度達至40-41°C，以熱力刺激膠原增生，提升皮膚緊緻度，改善鬆弛，減淡紋理。治療師Hazel每次都好努力咁幫我搵返我的腰線啊！真係超感激佢！佢超細心同專業呢！